froðusnakk

Apríl

2007-04-11T01:34:00.000-07:00

Ég er afspyrnu lélegur bloggari.

Apríl er stórkostlegur mánuður í alla staði. Í fyrsta lagi vegna þess að þá er að byrja að vora. Fyrsta sem ég heyrði í morgun á eftir vekjaraklukkuhljóðinu skelfilega (í alvöru þessi klukka er með stefi sem ég fæ á heilann til hádegis) var fuglatíst. Mjög sumarlegt
Svo er apríl líka frábær því það er páskafrí. Þrátt fyrir háan aldur fékk ég tvö páskaegg og það ekki í minni kantinum. Fékk aðstoð með að klára eitt en hitt er enn óklárað heima. Spurning um að brjóta það í skál svo ég freistist ekki til að éta það allt ein?
Síðast en ekki síst er apríl stórfenglegur mánuður því það er svo mikið frí. Af 30 dögum eru 16 vinnudagar! Og svo er ég líka að fara til Danmerkur með vinnunni í apríl sem er að sjálfsögðu gleðiefni.

Skiljanlega eru allir vinnufélagarnir spenntir að fara út saman og nefna allir mismunandi hluti. Það hvarflaði í smá stund að mér í gær að ég væri of mikill lúði þegar ég sá auglýsta ferð um Íslendingaslóðir í Danmörku. Af öllum stöðunum sem voru taldir upp vakti ekkert sérstakleg athygli mína fyrr en nefnt var: Íslendinga grafreitur.
Ég þarf að íhuga það að hætta að obsessa með kirkjugarði og legsteina því það er full morbid.

Gott í bili....

Númer 2

2006-12-14T14:25:00.000-08:00

Ætla að koma dyggum lesendum mínum á óvart með því að vera með tvö blogg tilbúin.

Það sem ég hef afrekað síðan í gær er að sofa, fara á sorpu, subway og í vinnuna. Í vinnunni beið mín konfektkassi frá "jólavini". Skemmtilegir svona leikir

Jóla-tryllingur

2006-12-13T13:01:00.000-08:00

Ef það er enn til fólk sem kíkir á þessa síðu þá á það hrós skilið fyrir. Ég er afskaplega latur bloggari, sérstaklega miðað við það að ég sit við tölvu að minnsta kosti 40 tíma á viku, yfirleitt mun fleiri.

Ég er búin að vera að vinna eins og bavíani enda full þörf á miðað við hvað ég er klár í að eyða peningunum mínum í ekkert nytsamlegt. Sem dæmi má nefna að ég splæsti á mig nýrri tölvu. Þessi tölva er ferlega sæt en til þess að ég myndi ekki enda í ruglinu með voða sæta tölvu fékk ég vin minn Unnar með í leiðangurinn. Ég treysti því að hann hafi valið vel, en tölvan virkar í það minnsta stórfenglega.

Svo eru það auðvitað allar þessar gjafir, úff púff, er búinn að versla næstum allar, þarf að versla 10 gjafir allt í allt. Á núna bara eftir að versla handa mömmu, Bigga, Stjána og Ólöfu Jónu. haha semsagt ég á eftir 40% af gjafakaupunum.
Reyndar er ég búin að velja næstum allar gjafirnar og þarf bara að drulla mér af stað í leiðangurinn að versla þær.

Annars er ég hinn dæmigerði Íslendingur um jólin, ætla mér alltaf að gera alveg fáránlega margt á frekar litlum tíma. Langar t.d. til að baka, ganga frá drasli heima, fara á sorpu, skreyta meira, senda kort, pakka inn gjöfunum, fara á kaffihús, hitta stelpurnar úr skólanum (við erum einmitt ekki búnar að hittast síðan í september en viljum auðvitað endilega hittast núna fyrir jólin), rölta um bæinn ofl ofl ofl.

Það er samt mjög spes að vera ekki í skóla og þar af leiðandi í prófum fyrir jólin. Finnst ég hafa endalausan tíma til að gera allt og ekkert. Samt geri ég nú minnst af því, enda venjan hjá mér að tala bara um hlutina og gera sem minnst af þeim...

Langar líka að bæta því við að jólasveinarnir eru greinilega enn hrifnir af mér, fæ í skóinn á hverjum morgni, á reyndar enn eftir að kíkja hvað ég fékk síðustu nótt.

Síma-Birna

2006-11-14T01:48:00.000-08:00

ég var búin að skrifa heilan helling af blaðri hér.

Svo svaraði ég nokkrum símtölum og fannst bloggið mitt leiðinlegt eftir það.
Þetta verður því allt í dag:

Í hers höndum

2006-10-21T10:13:00.000-07:00

Ég man ekki hvort ég var búin að kvarta hér undan herbergisleysi. Ástandið á Njálsgötunni hefur verið betra (reyndar verra líka) en við fengum þessa líka snilldarhugmynd að rífa niður vegginn á milli herbergjanna hjá mér og Rut. Þetta var reyndar bara e-r stoðgrind með spónarplötum og okkur var sagt af fagmanninnum Erlingi að það væri betra að vera með gips plötur, svona upp á hljóðeinangrun að gera.

Svona hefur þetta verið í næstum því mánuð en enn hefur ekki gefist tími til að fullklára verkið. Reyndar er skelfilega lítið eftir, það á bara eftir að setja upp eina plötuna og sparsla. Þetta væri e-ð sem við myndum alveg treysta okkur í að gera sjálfar nema að það á líka eftir að setja upp plötur í gluggann sem við vitum ekki alveg hvernig á manúvera.
Vona að við förum að geta rumpað þessu af. Keyptum nefnilega svo fallega gula málningu til að setja á nýja vegginn.
Svo fæ ég líka nýtt herbergi, ákváðum að skipta um herbergi en rúmið hennar Rutar er svo hátt að það kemst ekki svo auðveldlega inn í "mitt" herbergi.

Kannski drullast ég loksins til að koma mér almennilega fyrir núna, nennti aldrei að fullklára það síðast.

Þegar þessum framkvæmdum verður svo lokið verðum við svo eins og sannar prinsessur, með fataherbergi.

Guns don´t kill people, people do

2006-10-17T11:52:00.000-07:00

Ég lifði föstudaginn 13. af nokkurn veginn áfallalaust. Mér tókst reyndar að ganga upp í vagn 18 í stað 16 og uppgötvaði þegar ég var að bruna fram hjá Valsheimilinu að ekki væri allt með felldu í þessari för. Sem betur fer kom vinnufélagi minn hun Guðný Gréta mér til bjargar en hún sótti mig við Sprengisand svo ég kom ekki allt of seint í vinnuna.

Annars er ég bara skelfingu lostin yfir dagblöðunum og fréttunum í þeim undanfarið. Það er varla að maður leggi í að lesa þessar skelfilegu fréttir. Versta fréttin er án efa að einhverjum grasösnum finnst það vera góð hugmynd að lögreglan fái skammbyssur. Ég efast ekki um að það séu margir gangsterar þarna úti á götunum vopnaðir en þeir verða eflaust bara enn fleiri ef löggan fer að bera byssur líka.

En ég er víst búin að vinna í dag svo ég nenni ekki að skrifa meir

Heilagi dýfingamaður

2006-10-08T15:15:00.000-07:00

Guðný var að kenna mér að minnka myndir og benti mér í leiðinni á að fá mér photobucket síðu. Þolinmæði mín þraut þegar ég var búin að setja inn nokkrar myndir frá teiti gærkvöldsins sem var með mjög skemmtilegt þema, skegg.

Ég tók mig einstaklega vel út ásamt genginu, endilega kíkið á síðuna, það er semsagt birnasa.
Hér er eitt dæmi

25 dagar í stórfengleika

2006-10-04T15:20:00.000-07:00

ég ELSKA október
Aðallega vegna þess að þá á ég afmæli en mér finnst 29. október vera langbesti dagur íheiminum, ég meina, dagur sem snýst bara um mig?! (Reyndar hef ég kynnst aragrúa af fólki í gegnum tíðina sem á afmæli sama dag og ég en það er ekki jafn merkilegt og ég og því snýst dagurinn að mestu um mig...)

Um daginn var því skellt framan í mig að ég væri greinilega mjög satanísk í mér, en það er víst mjög satanískt að sjá ekkert athugavert við það að í heilan dag snúist allt um mann sjálfan. Reyndar væri ég fullgildur satanisti ef alla daga snerist allt um mig. Ég er víst svo slæm að vinum mínum er farið að kviða fyrir þessum merka degi allt að mánuði áður en að honum kemur. Segja að það sé svo erfitt að gera mér til hæfis? Þetta er fásinna svo ekki sé meira sagt. Það þarf bara að gefa mér e-ð fáránlega nördalegt eða asnalegt og mér er skemmt. Þetta má samt ekki fara út í of mikið glens, þá gæti ég móðgast.

Svo mögulega er frekar erfitt að gefa mér gjafir. En ég er ekki gjörn á að skipta gjöfum svo það ætti að vera vísbending líka um að ég þigg með glöðu.

Út í allt annað, mér hefur alltaf fundist október vera mest "spúkí" mánuðurinn. Þá er dimmt og kjörið að segja draugasögur. Það sama má segja um nóvember, des, jan og feb en það er eitthvað extra óhugnalegt við október. Mér finnst það til dæmis vera alveg ótrúlega spúkí að bráðum mun koma ekki bara föstudagurinn 13, heldur föstudagurinn 13. október.
Sem er mikið verra en föstudagurinn 13. janúar

Svo er það annað.... föstudaginn 13. október mun ég, ef allt gengur eftir, vera að að keyra út á landi, mögulega seint um kvöld í kolniðamyrkri til að fara í bústað. Ef það keyrir ljóslaus bíll framhjá mér/okkur ætla ég sko ekki að leyfa að hann verði blikkaður!

Nóg af ranti í bili

Velkomin í heiminn Jódís Halla

2006-09-16T10:37:00.000-07:00

Mig langar svo að vera í skóla að ég er að farast! Þetta er ömurlegt. Ef ég væri enn í þjóðfræði myndi ég núna vera að lesa mér til um Tolkien, ég væri sko ekki bara heima að gera ekki neitt eins og áður. Ég er sannfærð um að ég yrði betri námsmaður í þetta sinn!
Iss, en ég vil frekar eiga smá peninga, búinn að njóta þess að vera í vinnu með því að fara til New York og eignast ný föt, þarf bara að vinna aðeins lengur til að klára það og svo fer ég að safna fyrir næsta æði, mögulega ferð til Berlínar. Annars eru allir möguleikar opnir.

Ég ætti samt helst að vera að safna fyrir drauma-framhaldsnáminu mínu í Þjóðfræði, en það er e-ð svo fjarlægur draumur. Ég skelli mér bara í skuldir fyrir því, lánasjóður námsmanna hefur verið góður við mig í gegnum tíðina og heldur því vonandi áfram.

Áðan heyrði ég loks í Eydísi og fékk að heyra að hún er ástfangin af nýbakaðri dóttur sinni, Jódísi Höllu. Veit hún fyrirgefur mér það að skella nafninu á netið, henni finnst bara fyndið hversu spennt ég er yfir þessu öllu saman

Ferðalýsing

2006-09-13T01:21:00.000-07:00

Blogg einu sinni í mánuði, er það ekki hæfilegur skammtur?

Það hafa nú engin stórtíðindi átt sér stað á þessum mánuði. Það sem stendur hvað hæst upp úr er að sjálfsögðu förin til Nýju Jórvíkur sem var frábær í alla staði. Borgin er ekki jafn ógurleg og af er látið og kom það mér sennilega mest á óvart hversu lítil Manhattan er í raun. Það er að segja, hún tekur ekki mikið "gólfpláss" en húsin eru stór í miðri Manhattan, svo minnka þau og verða eldri og krúttlegri eftir því sem maður fer sunnar á eynna.
Við Rut tókum algjörlega túristapakkann á þetta, fórum í Empire State bygginguna þar sem markverðasti hluturinn sem ég sá var lítil kona sem ég er sannfærð um að hafi verið/sé norn. Hún var með staf með geitarhöfði og ALLT!
Svo fórum við m.a. í Staten Island Ferry og sáum Frelsisstyttuna, sem er minni en ég hafði gert ráð fyrir, kíktum við á magnaða sýningu sem heitir Bodies (já svona er að ferðast með hjúkrunarnema), versluðm eins og brjálæðingar, kíktum í tour bus sem fór m.a. í kvöldferð til Brooklyn og fórum á Vaxmyndasafnið og pósuðum með Hulk (við eigum segul því til sönnunar).
Við reyndum líka að vera ó-túristalegar og gerðum það sem við teljum að heimamenn geri, kíktum í bíó og keyptum okkur þar risastórt gos (svo stórt að ég hélt með báðum höndum og kláraði engan veginn þrátt fyrir að vera mikill gossvelgur), borðuðum á Mcdonalds (hey við urðum að prófa allavega einu sinni) og kíktum á Rancid tónleika sem voru vægast sagt stórfenglegir!

Hahaha ef það er e-r enn að lesa fær sá hinn sami hrós!

Annars langar mig að óska Eydísi til hamingju en hún átti víst þessa líku myndarlegu stelpu í fyrrinótt (12. september, 14 merkur). Til hamingju Eydís og litla barn með hvor aðra.

Blogg

2006-08-11T10:56:00.000-07:00

Já, þetta er ekki búið að vera mikið blogg sumar... merkilegt.

Það er samt búið að vera alveg feikinóg að gera, m.a. búin að fara á Neskaupsstað á ótrúlega skemmtilega samkomu sem kölluð var Eistnaflug. Sagan segir að upphaflega hafi Stebbi hressi viljað kalla hátíðina: Líkfundur, en það vakti ekki mikla lukku á meðal íbúa Neskaupsstaðar. Sem dæmi um hversu hrikalega gaman var er þessi mynd:

Það ætti kannski að fylgja sögunni að enginn okkar man eftir því þegar myndin var tekin! Þessi ferð var farin um miðjan júlí.

Í lok júní útskrifaðist ég. Athöfnin tók langan tíma og er alveg jafn leiðinleg og látið er af. En veislan sjálf var frábær í alla staði og pabbi og Lolla stóðu sig eins og hetjur með matinn. Það fór að minnsta kosti enginn hungraður.

Þetta eru svona tveir helstu viðburðir sumarsins en það er þó margt annað búið að vera á seyði
*flutt á Njálsgötu, by með 3 öðrum, mamma kallar þetta kommúnuna
*Fylgist vel með Magna mínum i Rockstar
*við Eva erum búnar að slátra amk 3 púslum og í þessum rituðu orðum er hún að byrja á því 4 / 5 (við beiluðum á einu sem var drepleiðinlegt)
*Lea fékk bílpróf og ég upplifði að sitja með henni í bíl-til lukku með prófið
*enduruppgötvaði ást mína á Alanis Morissette
*Búin að ferðast með strætó í allt sumar og hjólaði heim úr vinnu í dag. Þeir sem þekkja mig vita hversu mikið afrek þetta er
*Hef hitt Eydísi alveg 2 í sumar, sem er afrek, höfum margsinnis reynt að hittast e-ð

Jæja búin að segja nóg í dag, þarf að fara að gera mig sæta og fína, framundan er stelpuhittingur. Gyða er að fara að flytja til Þýskalands og því kominn tími á hitting.

Svo er það bara New York eftir 2 vikur með Rut!

17. júní

2006-06-17T11:59:00.000-07:00

Jeyy Ísland vann Svíþjóð í handbolta og það á sjálfan þjóðhátíðardaginn. Þjóðremban er að fara með mig.

Vinnutörnin er búin núna, mun núna einungis vinna 8 tíma á dag eins og venjan er. Nú er bara að bíða spennt eftir útborgun.

Útskriftin mín er á laugardaginn, ég á enn eftir að bjóða öllum. Verð að fara að rumpa því af svo fólkið geti nú komið til veislunnar. Mamma hefur greinilega tekið mark á orðum mínum hér að neðan en hún keypti mjög flottan kjól sem ég ætla að nota á laugardaginn.

Hef ekkert að segja, óska ykkur bara gleðilegs þjóðhátíðardags og sigurs í handbolta

Hm helvíti

2006-06-09T16:14:00.000-07:00

Jamm og já, það gerist nú ekki margt í lífi Birnu.
Er búin að vera að vinna alveg helling, en er í raun rétt að byrja vinnutörnina. Bitra ég er farin að sjá það fyrir mér að ég muni enda í lok sumars sem föl, bólugrafin, feit og geðveik manneskja eftir alla setuna við tölvuna. En ég ætla nú ekki að hangsa í vinnunni í allt sumar og vonandi kemst ég í smá sólarljós.

Ég er að verða að eigin mati þrusugóð í vinnunni, þarf sífellt að spurja minna og minna, bráðum veit ég allt! Haha kannski ekki. Mér finnst ég samt vera eini nýliðinn sem er eins og hauslaus hæna út um allt.

Fyrst ég er nú bara að tala um vinnuna ætla ég að halda því áfram. Það eru hvorki meira né minna en 6 sjónvörp í sjónmáli við mig. Og í dag var hm í þeim öllum, alveg sama hvert maður leit var e-r fótboltaleikur. Held reyndar að það hafi verið sýndir tveir leikir, svo endursýndur allavega einn og svo má ekki gleyma opnunarhátíðinni sem var allra fyrst. Þetta mun ég sennilega upplifa aftur og aftur og aftur næstu daga.

Annars er það helst að frétta að einkunn fyrir Ba er komin í hús, fékk 8. Það er svosum ágætt. Held að meðaleinkunnin mín sé þá í 8,16 sem er þrusugott.
Fyrst ég er nú að tala um útskrift má endilega einhver bjóða sig fram í að finna ógeðslega flott útskriftarföt á mig. Vantar að finna e-ð sem er sumarlegt, flott en ekki of flott og umfram allt, eitthvað sem ég get notað seinna!

Over and out
Birna

Gleðilegan júní

2006-06-01T03:44:00.000-07:00

Jæja, það er bara komin júní strax. Þetta sumar á sennilega eftir að vera ansi furðulegt. Ég ætla að vinna eins og brjálæðingur í júní og er því að vona að öll góð veður láti ekki sjá sig fyrr en í júlí. Nú er planið sko að verða milli.

Annars styttist í útskrift, Terry og Jón Hnefill eru að skoða ritgerðina mína núna, ætti að fá hana aftur á morgun og þá þarf ég bara að laga hana smá (vonandi ekki mikið) til og láta svo binda hana inn. Mér finnst það magnað að vera búin með 50 bls ritgerð. Er alveg ágætlega sátt við hana
Annars er kominn enskur titill, það er nú bara beinþýðing Just Open the Box": The Image of Iceland in Advertisements

Næsta sumar er mér boðið í brúðkaup hjá Írisi og Hrafnkeli, mér finnst það vera rosa fullorðins. Þá verður Eydís búin að fæða skvísuna sína og við ætlum í road trip með hana ef allt gengur eftir. haha týpískt ég að plana ár fram í tímann og veit ekki einu sinni hvað er á dagskrá núna!
Annars segi ég bara áfram Íris og Hrafnkell :)

ekkert að segja en enn á lífi

2006-05-29T02:59:00.000-07:00

í gær hélt ég að það væri ógeðslega gott veður og fór í sund, ég drapst næstum því úr kulda í lauginni, svamlaði um og hélt að hárið á mér væri frosið. Veit ekki hvort ég trúi gluggaveðrinu í dag...

Það er drasl hérna, ég veit ekki hvort ég eigi að taka til eða ekki!
Gott blogg?

ding dong

2006-05-23T15:59:00.000-07:00

Kvót dagsins: Bíddu, ha, er þetta ekki í framtíðinni?

Því miður var það ég sem sagði þetta um einhverjar breytingar sem áttu sér stað um miðnætti í gær.
Ég er ekki svo skörp greinilega

Áfram sæti!!!

2006-05-22T01:54:00.000-07:00

Það er merkilegt hvað bloggið mitt deyr út á sama tíma og ég hætti að þurfa að læra. Vil þakka hamingjuóskirnar með ritgerðina en á sama tíma benda á að ég er ekki alveg búin enn. Var að fá ritgerðina aftur í hausinn og hef út vikuna að lagfæra og betrumbæta. Eftir að hafa fengið vægt taugaáfall yfir nafnleysi á ritgerðinni datt mér í hug : Komdu og skoðaðu í kistuna mína: Ímynd Íslands í auglýsingum. Ferlega þjóðfræðilegt finnst ykkur ekki? Terry er víst að vinna í því að færa þetta yfir á ensku akkúrat núna.

Svo eru sænskir þjóðfræðinördar komnir til landsins og Eydís náði að gabba mig til að halda fyrirlestur um ritgerðina. Ég nenni því engan veginn en geri allt fyrir fellow Grimm. (Vá hvað við erum miklir nördar við Eydís, samt er hún mikið meira nörd en ég svo það sé á hreinu!)

Nýja vinnan er rosa fín. Reyndar er mig farið að langa að fara að gera e-ð sjálf en enn sit ég bara og hlusta á símtöl og læri á kerfin sem eru notuð í þessum tölvum þarna. Ég ætti að geta byrjað að svara sjálf í símann í vikunni. Svo er ekki galið að vinnunni fylgja ýmis fríðindi eins og til dæmis glæsilegur sími sem ég get tekið myndir á. Ég veit barasta ekkert hverju ég á að taka myndir af. En ég finn e-ð, engar áhyggjur. Svo held ég að ég hafi náð að hámarka ást Eyka á mér, að minnsta kosti yfir júní mánuð en von er á sýn á heimilið sem þýðir aðeins eitt = Hm í fótbolti.

Ég hef ekkert á móti Hm, svo lengi sem það er sætt lið sem kemst áfram. Helst þarf besti gaurinn í liðinu að vera myndarlegur því ég hef tekið eftir að þeir eru myndaðir mest, það er að segja þessir sem þykja góðir.

zorglúbb

2006-05-15T12:09:00.000-07:00

Fyrsti dagurinn hjá OgVodafone búinn. Lofar góðu, en mikið rosalega þarf ég að læra mikið. en það hefst örugglega einhvern daginn
Fjúff
nenni ekki að segja meir eftir daginn í dag.
Birna Rún

Klikkhaus

2006-05-08T07:51:00.000-07:00

Ég á að vera að skrifa, ég er ekki nógu aktíf þeim málum.

Svo þið fáið gamla mynd af kisunum, myndin var tekin þegar þau voru að rannsaka þvottavélina, eins freistandi og það var sleppti ég því að þvo þeim!

Ég ætla að fá eina þykjustu ferð til tunglsins

2006-05-03T03:24:00.000-07:00

Ég sá þetta og er ekki alveg búin að ákveða hvort mér finnist þetta vera stórfenglegt eða fáránlegt. Hann má eiga það hann Dímítri Popov að hann er með viðskiptavitið í lagi.

Veröld/Fólk | Morgunblaðið | 3.5.2006 | 05:30
Sýndarferðir seljast vel

Ferðaskrifstofan Perseus Tours í Moskvu selur ekki aðeins ferðir vítt og breitt um heim, heldur líka ferðir, sem aldrei eru farnar. Þær síðarnefndu kaupa þeir, sem vilja vinna sig í álit og sýnast stöndugri en þeir eru.

Fyrir góða ferðasögu greiða menn aðeins tíunda hlutann af því, sem raunveruleg ferð kostar, en eigandi ferðaskrifstofunnar, Dímítri Popov, sér um að útvega falska farmiða og brottfararspjöld og minjagripi frá viðkomandi landi. Þá er líka hægt að fá af sér mynd á Kínamúrnum eða á karnivali í Ríó og raunar næstum hvar sem er, að því er sagði í breska dagblaðinu The Times. Vegna þess hve Popov hefur góð sambönd sums staðar í útlandinu er stundum hægt að fá réttan stimpil í vegabréfið.

Popov segist selja um 20 "ferðasögur" á mánuði og þá til fólks, sem vill láta vini og kunningja halda, að það eigi nú eitthvað í handraðanum.

"Við seljum sýndarferðir, drauma, og þar með virðingu. Það vekur athygli þegar fólk segist nýkomið frá Brasilíu eða Kína og allt í einu er það orðið áhugaverðara en áður," segir Popov en hann útvegar fólki líka bæklinga með lýsingum á "áfangastaðnum", hótelum, veitingastöðum og því merkilegasta á hverjum stað. Síðan er það "ferðalanganna" að lesa sér til en þeim er ráðlagt að láta lítið fyrir sér fara meðan á "ferðinni" stendur.

Sex and the city

2006-05-02T05:09:00.000-07:00

ég er búin að vera að hugsa um þættina í morgun. Þessir þættir eru fáránlega góðir. Eins og ein vinkona mín sagði, þær hafa fjallað um öll möguleg breikup og sambands-vandamál í heiminum. When in doubt-horfið á!

Er að hugsa um að verðlauna sjálfa mig í lok annar með því að kaupa dvd boxið með öllum seríum. Held þetta eldist vel

Satt?

2006-04-30T06:58:00.000-07:00

Þessi stjörnuspá er nokkuð góð að mínu mati

Hrútur (20. mars - 20. apríl): Þú ert óþolinmóður og fljótfær egóisti, góður að lofa öllu fögru, en fljótur að gefast upp og láta aðra þrífa upp skítinn. Þú ert keppnismaður og sérlega klár í að keppa við ranga aðila og slá tilgangslaus högg útí loftið. Þú ert kvikindi, en það hjálpar hversu einlægur, barnalegur og einfaldur þú ert.

Naut (20. apríl - 21. maí): Þú ert latur og þrjóskur, enda löngu staðnaður og fastur í sama farinu. Peningar og þægindi eru það eina sem þú hugsar um, enda háður nautnum, mat, sykri og skynörvandi efnum. Þú hreyfist ekki úr stað og selur sannfæringu þína hæstbjóðenda. Þú ert lítið betri en stífluð rotþró.

Tvíburi (21. maí - 20. júní): Þú ert eirðarlaus og yfirborðslegur, alltaf á hlaupum frá einu tilgangslausu verkefni í annað, með hundrað ókláruð járn í eldinum. Þú ert sí ljúgandi, enda sérfræðingur í að gefa loforð sem þú getur ekki staðið við. Vissulega ertu vel gefinn, en þú sóar hæfileikum þínum í blaður og óþarfa.

Krabbi (21. júní - 23. júlí): Þú þykist vera töff, en ert í raun aumingi og tilfinningasósa, og getur ekki talað og tjáð þig, nema með því að væla og kvarta. Þú ert fastur í fortíðinni og munt því fyrr en síðar kafna í drasli og gömlum minningum. Þegar þú reiðist þá fer allt í einn graut og upp blossar grimmd og hefnigirni. En svona dags daglega þá ertu fúll, þunglyndur og sjálfsvorkunnsamur.

Ljón (22. júlí - 23. ágúst): Þú ert eigingjarn og of upptekinn af eigin málum til að hafa áhuga á öðrum. Þú veist allt og hlustar ekki eða öskrar á andmælendur þína. Þú ert svo barnalegur, einlægur og trúgjarn, að það er augljóst að þú hefur aldrei fullorðnast. Þú ert latur, en þegar þú gerir eitthvað, þá gengur þú of langt.

Meyja (23. ágúst - 23. september): Þú ert einn leiðinlegasti maður í heimi, alltaf að kvarta, gagnrýna og skipta þér af fólki, en segir aldrei neitt sem gagnast öðrum. Þú ert alltaf á hlaupum, þykist vera duglegur, en gerir aldrei neitt af viti, ekki frekar en stormur í tebolla. Þú ert stressuð taugahrúga.

Vog (23. september - 22. október): Þú þykist vera ljúfur og vingjarnlegur, en ert í raun falskur og eigingjarn, brosir framan í fólk, en lýgur og ferð bakvið aðra. Það tekur þig óratíma að taka ákvaðanir, en þegar það loksins gerist, ertu óhagganlegur, enda of latur til að hugsa málin aftur og of upptekinn af því að smjaðra fyrir öðrum.

Sporðdreki (23. október - 21. nóvember): Þú ert frekur og valdasjúkur, færð einstök mál á heilann (þráhyggja) og ert því einhæfur og hundleiðinlegur. Þú ert ímyndunarveikur og tortrygginn, móðgast útaf engu og gerir úlfalda úr mýflugu. Lífið er annað hvort frábært eða ómögulegt. Þú ert eins og biluð plata, stöðugt að spila sama lagið.

Bogmaður (22. nóvember - 21. desember): Þú ert týpan sem grautar í öllu, en kann ekkert, enda alltaf á hlaupum úr einu í annað. Þú átt erfitt með að þekkja takmörk þín, ert agalaus, flýrð óþægindi og veist ekki hvernig þú átt að nýta hæfileika þína. Ef þú nærð tökum á einhverju, þá hleypur þú í verkefni sem þú ræður ekki við.

Steingeit (21. desember - 20. janúar): Þú ert stífur og vansæll vinnualki, fastur í tilgangslausum siðum og reglum, alltaf að skipta þér af öðrum og segja þeim að gera það sem þú getur ekki gert sjálfur. Þú ert snobbaður og þráir stöðutákn, enda með minnimáttarkennd sem þú heldur að hægt sé að breiða yfir með titlum og merkjavöru.

Vatnsberi (20. janúar - 19. febrúar): Þú ert sérvitur og skrýtinn, og alltaf svo langt á undan samtímanum að enginn skilur þig eða getur notað hugmyndir þínar. Vissulega ertu svalur, en þú ert svo sjálfstæður, ópersónulegur og hræddur við raunverulegan innileika, að þú ert í raun alltaf einn, frosinn í einskis manns landi. Týndur á skýi í háloftunum.

Fiskur (19. febrúar - 20. mars): Þú ert rugluð og týnd sál og hefur ekki hugmynd um hvernig þú átt að nýta hæfileika þína eða í hvaða átt þú átt að fara. Þú vilt vera alls staðar og upplifa allt. En þar sem þetta er ómögulegt, þá fer allt í vitleysu. En það gerir ekkert til, þú ert sérfræðingur í sjálfsblekkingum og því að flýja raunveruleikann.

Jó jó

2006-04-30T04:51:00.000-07:00

Í gærkvöldi fór ég í ótrúlega sniðugt teiti. Þetta var hip hop partý á Njálsgötunni og ég skemmti mér alveg frábærlega. Reyndar fannst mér pínu leiðinlegt að ég skyldi ekki fatta að þegar Eva sagði að þetta væri hip hop partý, þá meinti hún það í alvöru.
Það var dj á staðnum sem spilaði fullt af rappi og hip hoppi, ég held ég hafi þekkt allt að 4 lög. Svona er ég með fjölbreyttan tónlistarsmekk! Svo var nú aðal skemmtunin að sjá alla útúrblingaða á því.
Stjáni var eins og ég sagði honum allavega tvisvar ótrúlega flottur, með buxurnar á hælunum og húfuna fyrir augunum. Svo sló Ingvar í gegn líka í körfuboltatreyju merktri sér og með e-ð skrifað á hnúana, ég nennti aldrei að sjá hvað það var.
Guðný var með blingið á hreinu og Eva engu síðri. Viktor sýndi smá viðleitni en fann ekki rapparann í sér.

Mest allt kvöldið reyndi ég að læra að gera East Coast og West Coast merki, en ég hef bara ekki fingraburðinn í slíkt. Ég er t.d ekki ein af þeim sem get gert star treck dæmið með puttana (held það sé örugglega star treck), þar sem puttarnir eru í sundur í miðjunni en saman tveir og tveir!

Mig langar í köku í dag, svona alvöru rjómatertu sull eins og maður fékk alltaf í "denn"

12:04

2006-04-29T05:46:00.000-07:00

Var að koma úr prófi, gekk bara sæmilega að ég held. Komst að því að ég var ekki sú eina sem hafði ekki hugmynd um hvernig kynjaskipting rýmis var í grein Berbers. Samt var ég búin að lesa þessa grein. Nú er ég svo löt að ég nenni ekki einu sinni að kíkja í greinina að skoða þetta. Þetta voru líka bara 5%

Ég talaði hinsvegar heil ósköp um menningararf í tengslum við opinber söfn. Vona að svarið hafi verið jafn gott og mér sjálfri fannst.

Annars var þetta bara eins skemmtilegt og próf geta orðið. Prófdómarinn var allavega hrein snilld. Ég átti oft erfitt með að skella ekki upp úr. Eftir prófið sagði María mér einmitt að hún hefði því miður litið á mig þegar hún var að reyna að komast hjá því að hlæja og ég aðstoðaði víst ekki mikið.
Sem dæmi um skemmtileg heitin vil ég byrja að nefna að hann talaði með hreim. Það er ekki fyndið eitt og sér, en hann var að hhhhvaarta svo mikið í okkur að það varð gaman. Svo rak hann Bjarna út með vatnsglasið sitt, það má sko ekki vera með opin ílát inni.
Svo þegar hann var búin að kvarta (hhhvarta) nógu mikið sagði hann að nú mættum við hefja prófið og þar sem hann hefði tekið af okkur 4 mín fengum við að vera í prófinu til 12:04. Mjög sanngjarn maður þrátt fyrir ýmsa vankanta.
Í miðju prófi fór hann svo að laga til borðfætur hér og þar um stofuna. Ég var ein þeirra heppnu.

Sem betur fer var ég samt með eyrnatappa (ath, einn eyrnatappa) þegar hann var að japla á eplinu sínu. Hverjum dettur í hug að koma með epli í próf??

húrra! húrra! húrra!

2006-04-26T06:09:00.000-07:00

Hún Lea fagnar í dag 17 ára afmælisdegi og vil ég óska henni til hamingju með það.

Engar áhyggjur, hún er ekki komin með bílpróf

Google-Birna

2006-04-25T04:09:00.000-07:00

Það hefur þótt góð skemmtun að prófa að "gúgla" ýmsa hluti og datt mér í hug að deila afrakstri þeirrar tímaeyðslu með ykkur
Fyrst prófaði ég að slá inn Birna Rún, fátt varð um myndir þar, aðeins þrjár, tvær af nöfnu minni og svo þessi:

Ég afréð því að notast einungis við Birna og voru flestar myndirnar af þessari skvísu
Ég vandaði mig að velja klisjulegustu myndinar með kórónu:

og með sprota eins og sannri fegurðardís sæmir:

Svo komu margar fleiri skemmtilegar
Þetta er til dæmis Birna af Orkney (ég vissi ekki af henni, þarf að kynna mér það betur):

Þessa hljómsveit þarf ég líka að kynna mér betur:

Svo kom að sjálfsögðu ein alveg lýsandi fyrir mig eins og við mátti búast: Vonandi eruð þið ekki í hægum tölvum:)

Ekkert mál-fyrir Jón Pál

2006-04-24T01:56:00.000-07:00

Í fyrrakvöld náði ég að framkvæma hlut sem mig hefur aðeins dreymt um hingað til. ég kláraði ritgerð meira en 24 klst áður en ég átti að skila henni. Skipulag hefur aldrei verið minn sterkasti kostur, en nú er ég sko skipulögð. Eða svo gott sem, veit allavega hvað ég vil vera að gera hverju sinni.
Svo fer ég bara að blogga.

Annars voru nokkrir hápunktar á helginni og þeir innihéldu allir fólk. Eydís fær þó hápunkt hápunkt helgarinnar því það var svo langt síðan ég hitti hana e-ð af viti. Reyndar held ég að ég hafi komið inn hjá henni einhverjum taugastrekkingi með tali um kynjamun og útihátíðir en hún er með sterk bein og ætti að jafna sig.

Annars er ég að hlusta á X fm og það er verið að taka viðtal við Hjalta Úrsus um gerð myndar um Jón Pál- held þetta hljóti að vera endurspilun, hef allavega heyrt brot úr viðtali við hann áður.
Eníhú, mynd um Jón Pál kraftlyftingamann og skemmtikraft með meiru, ég skal horfa á hana. Enda muna glöggir menn eftir fölskvalausri aðdáun minni á þeim mæta manni.

Nú er í alvörunni sumar, gleðjist osfrv

2006-04-20T07:23:00.000-07:00

já
gleðilegt sumar
ég hef ekki farið í skólann síðan 6. apríl. Engu að síður er ég að sinna honum. Ekki af krafti, en þó eitthvað.
Ég hef hinsvegar verið óvenju dugleg við að leggja kapal og horfa á sjónvarpið. Svo var ég að vinna í gær og hinn. Sakna þess ekkert sérstaklega, en samt gaman að vita að ég fæ nokkra þúsundkalla í viðbót um mánaðarmótin (reyndar fæ ég þessa ekki fyrr en í júní!, heimsku launatímabil)

Nú þarf ég að skrifa um barnamyndir, hver er annars ykkar uppáhalds íslenska barnamynd?
ég dýrkaði alltaf Jón Odd og Jón Bjarna, en ég fór að gráta yfir Benjamín Dúfu svo ég veit ekki...
Svo hélt ég alltaf að punktur punktur komma strik væri barnamynd, en svo er víst ekki! Mér fannst hún allavega vera mjög skemmtileg líka.

Páskar 2006

2006-04-11T05:27:00.000-07:00

Já það er að koma að páskum og þar sem ég hef ekkert að segja ætla ég að setja inn nokkrar fallegar páskamyndir.

Vonandi verða mínir páskar jafn hressir og hjá þessum fír

Nammi namm, súkkulaði sem talar

Og ein svona í anda hátíðarinnar

Að lokum er það þessi sem kemur páskunum ekkert við (þetta er hreyfimynd og ég veit ekki hvort hún eigi eftir að hreyfast hjá mér en mér er eiginlega alveg sama)

Eins dauði er annars brauð

2006-04-09T15:44:00.000-07:00

Helgin var ágæt- ekki eins og best heldur eins og volg.
Ég er ekki andlega tilbúin fyrir svona mikinn hasar í einu, þegar mest var voru 17 manns í bústaðnum og yfirleitt allir að tala í einu.
En þetta var gaman og ég fór meðal annars í göngutúr um svæðið ásamt múttu.
Okkur tókst að finna ótrúlega spennandi kirkjugarð (reyndar var hann mjög áberandi og við þjóðveginn, en við fundum hann!)- ef ég fer einhvern tímann í framhaldsnám ætla eg að skrifa um legsteina. Mér er alveg sama þó það hafi þegar verið gert af öðrum.
Nú er ég hins vegar að vinna í því að ljúka þessari önn. Mig langar mikið frekar að sofa bara eða drekka mix.

nú er sumar gleðjist gumar...

2006-04-05T05:18:00.000-07:00

Mig langar í páskaegg en hef ekki fjárráð til að eyða peningum í slíkt.
Öll framlög vel þegin (líka svona pínulítil egg!)

Vissuð þið að fuglar rata eftir pólstjörnunni?

Tækni smækni

2006-04-03T07:42:00.000-07:00

Minn sími er ekki svona flottur, en einn daginn...

Engir álfar hér takk

2006-03-29T01:49:00.000-08:00

Og eitt annað sem mig langar að koma á framfæri
Það að ég sé í þjóðfræði þarf ekki að þýða að ég trúi á álfa! En ég hef hinsvegar gaman af álfasögum, það er allt annað
Takk fyrir

Ice ice baby

2006-03-29T01:26:00.000-08:00

Það merkilegasta við daginn í dag hingað til eru auglýsingarnar í morgunblaðinu. Ég er ein af þeim sem flettir mogganum afturábak, ég byrja sumsé aftast og enda á að lesa forsíðuna. Þegar að ég var næstum því komin alveg í gegnum blað dagsins í dag varð mér hugsað, vá, ég held þetta sé alveg fjórða icelandair auglýsingin sem ég sé! Það er greinilegt að athyglisgáfur mínar eru ekki mitt aktífasta svið, eða ég vona allavega ekki, því að á fremstu síðunni er þess getið að í blaðinu í dag séu bara auglýsingar frá flugleiðum. Jahá, þær eru sumsé aðeins fleiri en 4...
Mig langar alveg óskaplega mikið til þess að vita hvað þessi herferð kostar, hlýtur að vera alveg fáránlega dýrt

Í gær fór ég til læknis, enda komin með nóg af hori og öðrum pestarviðbjóð. Læknirinn náði að hemja sig og kallaði mig ekki aumingja, en ég sver að honum langaði til þess. ég er sumsé bara með inflúensu eins og allir aðrir og það er sko ekkert að mér í eyrunum þó mér sé illt í þeim. ég er að vona að ég "læknist" bráðum.

Annað markvert var að mamma og Biggi komu í heimsókn. Þau komu með fína stóla handa mér sem eru frá ömmu á Kópaskeri að ég held. Þar sem að ég átti hvorki kaffi né köku handa þeim hengdi mamma upp mynd fyrir mig.
Ég verð sennilega að kaupa kaffivél ef það heldur áfram að vera svona kalt heima hjá mér, en ofnarnir eru e-ð að mótmæla okkur og hitastigið er nokkuð lágt þessa dagana. Biggi var að frjósa og vill að við búum til ulllarsokka á kisurnar. Ef ég kynni að prjóna...
Í nótt dreymdi mig aðallega grýlukerti og snjó

Allir að fara á tónleika

2006-03-21T04:47:00.000-08:00

Sumarbústaðaferðin heppnaðist ljómandi vel. Hörkustuð og fullt af nammi! Eitt það skemmtilegasta við ferðina var að finna bústaðinn. Það gekk eitthvað brösuglega hjá okkur. Það tókst þó að lokum eftir að við höfðum rúntað mikið í drullu og á misgóðum vegum. Eitt það fyndnasta sem við prófuðum var að fara yfir túnið hjá bóndanum. Guðný mundi allt í einu að hún er hrædd við hesta og hljóp skelfingu lostin frá þeim og á sama tíma gormaðist ég yfir hálft túnið því ég var að opna hlið/girðingu sem ég bjóst ekki við að væri svona vel strekkt.

Annars lítið að frétta. Stofan loksins tilbúin og svo er hljómsveitin Doomriders að spila í kvöld á Grand Rokk kl 21. Það kostar 1000 kr inn en það er ekki mikið fyrir eðal hljómsveitir eins og Doomriders, I Adapt, Myra og svo er ein hljómsveit í viðbót en ég man ekki hvaða hljómsveit það er.

Adios

Ég fer í fríið!

2006-03-17T01:19:00.000-08:00

Já, það er komið að því. Eftir aðeins örfáar klukkustundir mun ég tölta hér upp stigana og út í bíl til Evu (ásamt sennilega fleirum) og við munum bruna af stað í Þjórsárdal.

Heil helgi bara með chickaz, þetta ætti að verða skrautlegt og skemmtilegt.
Að sjálfsögðu er búið að versla í dýrindis máltíð sem mun verða étin á laugardagskvöldinu. Annars eigum við eftir að gera stutt stans í Verahvergi að prófa Bónus þar. Ætli hún sé vinalegri en Bónus í Kópavogi? Reyndar fór ég einu sinni í Bónus í Njarðvík, hún var alveg eins og Bónus í Hafnarfirði. Mér fannst það frekar óþægilegt, gleymdi að ég væri í ylhýra Hafnarfirði þangað til ég kom út úr búðinni aftur. Einkennilegt að velja þessa leið, byggja eins hús og raða öllu eins inn í hana, en heyyyy það virkar kannski bara allt svona vel sem á uppruna sinn í Hafnarfirði??

Svo langar mig að koma með gátu svona í vikulokin:
Sá sem býr það til selur það
Sá sem kaupir það gefur það
Sá sem fær það veit ekki af því

Birna Jackson

2006-03-15T16:45:00.000-08:00

Já ég hef stundum horft á þetta, en auðvitað bara af því að þetta er svo hrikalega mikil þjóðfræði.... ég er að meina það sko, ég hef ekki gaman af neinum nörda geimþáttum. Þetta próf var tekið svona aðallega fyrir Eyka. Ég hef grun um að niðurstöðurnar muni ekki koma honum á óvart.... Ég er svoddan nörd stundum
Heimsóknin á Bessastaði var ágæt, það var engin Dorrit svo hún fær bara 7 af 10

Your results:
You are Daniel Jackson

Daniel Jackson		80%
Jack O'Neill		57%
Thor		52%
Samantha Carter		42%
Dr. Frasier		40%
General Hammond		20%
Teal'c		19%
A Goa'uld		16%

You are sensitive to the needs of
others and are a good communicator.
You always stand up for the little guy.

Click here to take the "Which Stargate SG-1 character am I?" quiz...

Birna á Bessastaði

2006-03-14T06:14:00.000-08:00

Það er víst kominn tími á smá blogg, eða svo finnst mér. Verð að halda "aðdáendunum" ánægðum. Ho ho

Sá mér til mikillar ánægju að búið er að leggja fram þingsályktunartillögu (ég veit ekkert hvað það er í rauninni, ætti kannski að fá grunnkennslu í pólitík hjá Bjögga frænda!) um að ef fólk vill gefa líffæri verði það merkt í ökuskírteininu þeirra. Þetta finnst mér næstum því vera nauðsynlegt. Veit ekki hvað ég leitaði lengi að spjaldi í veskið mitt sem segir að ég vil gefa líffæri ef eitthvað kemur upp á. Reyndar gaf ég Eyka líka svoleiðis spjald. Jú jú hann fyllti það samviskusamlega út og allt, svo spurði hann stuttu seinna hvort ég væri í alvöru svona hrædd að ferðast með honum. Hafði ekkert spáð í að við vorum á leið út úr bænum saman í fyrsta sinn.

Á eftir fæ ég í fyrsta sinn að sjá innviði Bessastaða, Þjóðbrók er ásamt Kuml (félagi fornleifafræðinema) að fara að heimsækja forsetann. Ég veit ekkert hvað mun eiga sér stað þarna, svo spurði ég fyrir í morgun um hvernig maður ætti nú að vera klæddur fyrir svona herlegheit. Niðurstaðan var eins og ég hélt: hversdaglega. Eini gallinn er bara að mér finnst mín hversdagslegu föt ekki vera nógu Bessastaðaleg, svo ég valdi aðeins snyrtilegri hversdagsföt. Mjög ólíkt mér að vera með svona fatavesen, en ég greip mig um daginn að því að vera með blokkara í hönd að fjarlæga hár. Ég er greinilega að verða "kvenlegri"
Spennandi ekki satt? Hver veit nema ég fari í hæla einhvern tímann á næstunni.

Ég verð sumsé að viðurkenna að ég er örlítið spennt að sjá hvað fer fram á svona samkundum. Planið var að þykjast ekkert til þessa koma, en ég er grynnri en það virðist vera.

Svo vona auðvitað að Dorrit verði líka á staðnum, annars er reynslan bara ekki sú sama.

Wie geht es?

2006-03-07T01:10:00.000-08:00

Funduð þið jarðskjálftann???
Þetta er í eitt af fáum skiptum sem ég finn jarðskjálfta þannig að ég er að reyna að "vinna" sem flesta í þessu. 17. júní skjálftarnir fóru allir fram hjá mér, ég fann einn sem var eitthvert kvöldið en ég vaknaði aldrei upp við neina. Svo ég hafði engar skjálftasögur að segja. Leiðinlegt að vera útundan:(
Reyndar kom Sigrún S. með þrusu hugmynd, og það er að safna skjálftasögum. Þó að það væri ekki nema bara frá skjálftahrinunni í júní 2000. Því miður gæti ég ekki tekið þátt í því verkefni vegna fyrrnefnds skjálfta leysis.

Nú get ég sagt ykkur af skónum mínum, ég er ekki í þeim í dag. Það er of blautt úti fyrir þá. Margrét vogaði sér að gera grín að þeim, fannst þeir vera heldur aumingjalegir fyrir 5000 kr. Ég er algerlega ósammála og nú er Margrét komin á listann: lélegar jólagjafir!

Í gær ákvað ég að vera dugleg og fór í leikfimi, sem er svosum ekkert fréttnæmt nema að eftir að hafa spriklað sjálf í klst ákvað ég að prófa e-ð sem heitir jógalates. Hugsaði sem svo að það gæti ekki verið svo ólíkt jóga. I WAS VERY WRONG! Mikið erfiðari æfingar
Ég dó hægt eftir því sem leið á tímann. Og ég er með 0 jafnvægi svo ég hef verið ágætis skemmtiatriði fyrir hinar kvensurnar í tímanum.
En ég er samt að hugsa um að fara aftur. Því ég er með fáránlegar harðsperrur í líkamanum, held ég hafi notað vöðva sem hafa aldrei verið notaðir áður. Svo er konan sem kennir þessa tíma svo dásamlega amerísk. Fyndnast þegar hún, með sykursætu amerísku röddinni sinni, skiptir allt í einu yfir í þýsku. Finnst það passa betur við erfiða leikfimi tíma að segja: EIN, ZWEI, DREI, en að segja: "you are looking great girls!"

Nú ætla ég að fara að borða gómsæta nestið mitt. Samloka með miklum osti og pepperoni. Nammi namm

Vandinn við að vera Birna

2006-02-28T04:38:00.000-08:00

Ég á við mjög nýstárlegt vandamál að stríða. Ok aðalvandamálið er ekkert mjög nýstárlegt, ég er ekki búin að vinna nóg í skólanum, sérstaklega ekki BA-ritgerðinni. Bara búin að hugsa voða mikið um hana. Þar liggur sumsé hundurinn grafinn, og þá á ég við nýstárlega vandamálið, ég er með of mikið af hugmyndum fyrir ritgerðina, hef ekki hugmynd um hvernig ég á að koma þessu niður í eitthvert samhengi. Tími ekki að sjá á eftir neinni hugmynd:) Þarf bara að hugsa aðeins meira um þetta!!

Seinnipartinn í dag er ég að fara á fund hjá vinstri grænum, ég er bara að fara af því að Þjóðbrók er að fara. Hef aldrei farið á neitt svona áður. Er tilbúin að vera á móti öllu því ég er svo mikið rebel. samt ekki...

Í gær fékk ég í hendurnar alveg undurfagra skó sem keyptir voru í Danaveldi. Mútta og Lea vissu eins og er að ég er einstaklega hrifin af öllu með hauskúpum á (reyndar held ég að langflestir viti það orðið) og lánuðu mér fyrir herlegheitunum. Þrátt fyrir peningaleysi verður maður að öðlast svona gripi. Vonandi tekst mér að setja inn myndina af skóm sem eru alveg eins nema að mínar hauskúpur eru hvítar.

Jæja, ætla að fara að koma mér í lærdómsgír enda ekki seinna vænna.

Hermikráka

2006-02-20T06:08:00.000-08:00

Ég er greinilega á réttri hillu í lífinu (fyrir þá sem ekki vita þá er ég skráð í mannfræði og þjóðfræðiskor í félagsvísindadeild)

You scored as Sociology. You should be a Sociology major!

Anthropology

100%

Sociology

100%

Linguistics

75%

Journalism

75%

Psychology

75%

English

50%

Engineering

50%

Mathematics

50%

Biology

42%

Chemistry

42%

Theater

42%

Philosophy

25%

Dance

17%

Art

17%

What is your Perfect Major? (PLEASE RATE ME!!<3)
created with QuizFarm.com

4dagur

2006-02-20T03:38:00.000-08:00

Jæja ég hef verið "klukkuð" tvisvar og það er víst kominn tími til að ég skelli þessu upp. Þetta er í boði Írisar og Margrétar

4 matarkyns sem ég held uppá.
*Áramótamaturinn í Hafnarfirði, purusteik og það verður að vera rjóma/epla salat með
*Kótilettur í grafarvoginum, ógeðslega óhollt en alveg hrikalega gott
*Humar í hvítlaukssmjöri að sjálfssögðu
*Pítsur, elska að velja eitthvað hrikalega gott ofan á, síðasta sem ég borðaði var með gráðosti, skinku, tómötum, hvítlauk, rauðlauk, cheddar ost og oregano (einnig þekkt sem florence!)

4 staðir sem ég hef unnið á.
*Landspítalinn við alveg fáránlega margt: í sérfæði (eldað fyrir ofnæmis- og anorexíusjúklinga), veisluþjónusta (þvílík ógrynni af heitu súkkulaði), uppvaskinu, kortaskrifstofu, mötuneytinu. Svo vann ég líka á Vífilsstöðum á Lungnadeild (ætti að skikka alla unglinga til þess, garanteað að þú reykir ekki eftir það)
*Dominos pítsa, Birna get ég aðstoðað
*Reyndi fyrir mér sem fóstra eitt sumarið. Komst að því að ég er ekki nægilega þolinmóð fyrir slíkt.
*Bæjarvinnan, eitt sumar sem flokkstjóri á Miklatúni. Ó ljúfa líf. Það var svo gott veður að oft vorum við að rúnta um á gólfbílnum að vökva blómin.

4 bíómyndir sem ég get horft á aftur og aftur.
*Billy Madison, ég get flutt heilu atriðin.
*Toy Story
*Nonni og Manni -eru það þættir eða mynd? Allavega ég horfði fáránlega oft á það sem krakki og gæti alveg hugsað mér að horfa á þetta aftur. sjá hvort ég hati Magnús enn jafn afdráttarlaust
*Pretty woman, fyrst ég er farin að rifja upp myndir sem ég horfði oft á. Einhver sagði mér að eftir að myndin kom út hefðu ótal stelpur flykkst út til að gerast hórur, trúðu því að e-ð gott myndi hafast upp úr því!

4 staðir sem ég hef heimsótt í fríi.
*Færeyjar, magnað frí sem ég fékk 2 einingar út úr
*Þýskaland, sennilega hafði ég einna mest gaman af bænum sem var dauður á sunnudegi þrátt fyrir að risastórt festival væri í næsta nágrenni. Hef ekki grænan um nafnið á bænum
*Portúgal, ljúf vika í chilli með Eyka
*Kópasker á hverju sumri frá 0-13 ára. Margt brallað þarþ (Hér gæti ég nefnt mikið fleiri en 4 staði, langar að bæta við Bretlandi í öll skiptin því þau voru öll frábær)

4 sjónvarpsþættir sem falla mér í geð.
*Oc, OMG það er að byrja þriðja sería í kvöld. Get varla beðið
*CSI Vegas, ég fýla Grissom
*Scrubs, ótrúlega góður húmor. Svo fer manni að finnast JD vera voða sætur ef maður horfir nóg á þetta.
*Prison Break, fyrir utan að vera ótrúlega, fáránlega spennandi eru þrír fáránlega heitir menn í þessum þáttum. Já, útlit skiptir mig máli í sjónvarpsþáttum, gríðarlega miklu máli.

4 staðir sem ég vildi helst vera á núna.
*ég er alveg sátt við að vera í tölvunni með Eyka sofandi rétt hjá mér, voða kósý stemmmning
*Útlönd, helst e-r staður sem ég hef aldrei komið á.
*Spila í Reykásnum
*Væri til í að vera komin upp í skóla, finnst leiðinlegt að keyra þangað

4 síður sem ég skoða oft -ekki blogg
*taflan.org
*mbl.is
*myspace.com
*kbbanki.is

4 bækur sem ég hef lesið oft.
*Hús andanna -heil veröld út af fyrir sig. (sama svar og Margrét en satt engu að síður)
*Folkloristics-kennslubók sem ég opna reglulega til að komast að einhverju, rifja upp eða vitna í
Kannski er ég klikkuð en ég les bækur yfirleitt bara einu sinni! Hef ekki lesið bók oft síðan ég var krakki!
*Maj Darling (hrikalega sorgleg unglingasaga)
*Dagbækurnar hans Dodda, stal þeim úr herberginu hennar Margrétar. Mjög skemmtilegar

Fjórir staðir sem ég hef búið á:
(vá má ég bara telja upp fjóra???)
*Arnarhraun 15, bjuggum nokkuð lengi þar, ég var allavega með eigið herbergi sem var mikill kostur
*Skaftahlíð 32, ein sú flottasta íbúð sem ég hef búið í. Leið alltaf mjög vel þar
*Kjarrberg 3, ég átti heima þar í 9-10 ár, nýtt met
*Álfaskeið, nefni það því ég man nokkra hluti þaðan. Meðal annars þegar ég var föst í eldhúsinu grátandi því ég hélt að margfætlan sem var á töltinu þarna inni, væri sporðdreki sem ætlaði sér að drepa mig.

Jæja þetta tókst á endanum, nú þarf ég víst að skora á fólk líka að fylla svona út.
Verst að ég held að allir sem ég þekki séu komnir með svona.
Prufa samt Leu og Eydísi aftur-ég vil sjá svona frá henni

Fullt tungl í dag

2006-02-13T06:23:00.000-08:00

Jahérna hér, ég er veik. Eða eins og sumir segja down with the sickness.
Ég heyri uþb 1/4 af eðlilegri heyrn, það er glatað. Ég er ekki jafn neikvæð í dag og þessi skrif mín hljóma!
Helgin var nokkuð ljúf. Græddi peninga á föstudaginn og laugardaginn en vegna mikilla veikinda í vínbúðinni var ég beðin um að mæta. No problemo-alltaf til í að vinna mér inn aura. Er svo hrikalega dugleg að eyða þeim allavega.
Skellti mér í heimsókn á Njálsgötuna um föstudagskvöldið-vel heppnað í alla staði.
Svo brunaði ég austur til Verahvergis á laugardaginn í innflutningsteiti, ég skemmti mér ágætlega þar. Reyndar varð ég fyrir óþarfa áreiti af hálfu Margrétar. Þarna sat ég í makindum mínum að fylgjast vel með samræðum og hegðun ölvaðs lýðs þegar hún baunar á mig að ég megi alveg fara heim. Því miður var ég nýbúin að hugsa með sjálfri mér að ég ætti að fara að koma mér heim en þarna setti hún mig í félagslega klemmu og ég varð að vera lengur.
Svei Margrét!
Ég ákvað samt eftir ca 3 mínútur að fara bara samt. Ég var víst búin að vera nógu lengi til að vera ekki dónaleg þrátt fyrir að ég færi.

Heimsóknir eru flókið ferli.
Annars vil ég minna á það að í dag er víst fullt tungl, varið ykkur extra vel því á öllum hættum í dag.

Nokkuð skondið

2006-02-08T06:01:00.000-08:00

Ég kann enn lítið sem ekkert á þessa síðu, ætla engu að síður að gefa hér upp link á frekar fyndna mynd. Þess má geta að ég veit ekkert hvaða maður þetta er, geri bara ráð fyrir að hann sé voða vinsæll. Virka svo

Fyrsta blogg

2006-02-07T04:11:00.000-08:00

Ég gafst upp á hinu blogginu. Fullt af vírusum, ég sem hélt það væru bara svona margir að lesa þetta.
Gaman að breyta til líka... víú víú.
Kannski gef ég mér tíma einhvern tímann og set inn myndir og drasl.
Bless og takk
ekkert snakk